హీరో అజిత్ ఇంటికి బాంబు బెదిరింపు కాల్

దిశ, వెబ్ డెస్క్: తమిళ అగ్రకథానాయకుడు అజిత్ ఇంటికి బాంబు బెదరింపు కాల్స్ వచ్చాయి. ఈ ఘటన శనివారం చోటుచేసుకుంది. తెల్లవారుజామున గుర్తు తెలియని వ్యక్తులు అతని ఇంటికి ఫోన్ చేసి బాంబు ఉందని బెదరించారు. దీంతో వెంటనే స్పందించిన బాంబ్ స్వ్కాడ్ రంగంలోకి దిగి బాంబు కోసం వెతికారు. బాంబ్ స్వ్కాడ్ సిబ్బంది ఎంత వెతికినా బాంబు మాత్రం దొరకలేదు. అయితే అసలు ఫోన్ కాల్ ఎక్కడి నుంచి వచ్చింది.. ఎవరు ఈ రకమైన చర్యలకు పాల్పడ్డారు.. దేనికోసం హీరో అజిత్‌ను టార్గెట్ చేశారు. అనే కోణాల్లో పోలీసులు ఆరా తీస్తున్నారు. కాగా ఆట ఆరంభం సినిమాలో హీరో అజిత్ బాంబు నిర్వీర్య దళం నిపుణుడుగా చేసిన విషయం అందరికీ తెలిసిందే. అలాంటి అజిత్ ఇంటికే బాంబు కాల్ రావడం అందరినీ ఆశ్చర్యానికి గురిచేస్తోంది. కాగా అజిత్ ప్రస్తుతం ‘తాళ 55’ షూటింగులో అజిత్ బిజీగా ఉన్నారు. ఈ విషయాన్ని ప్రముఖ పాత్రికేయుడు భరత్ ట్విట్టర్ ద్వారా తెలపడంతో ఈ బాంబు బెదిరింపుల విషయం వెలుగులోకి వచ్చింది.