‘అల వైకుంఠపురంలో’ ఓ ఆణిముత్యం : బాలీవుడ్ ఫిల్మ్ మేకర్
స్టైలిష్ స్టార్ అల్లు అర్జున్, డైరెక్టర్ త్రివిక్రమ్ శ్రీనివాస్ కాంబినేషన్‌లో వచ్చిన సినిమా అల వైకుంఠపురంలో. సంక్రాంతికి రిలీజ్ అయిన ఈ సినిమా నాన్ బాహుబలి రికార్డులను కొల్లగొట్టిన విషయం తెలిసిందే. ఈ చిత్రం కోసం ఎస్ఎస్ థమన్ అందించిన మ్యూజిక్ గురించి ప్రత్యేకంగా చెప్పక్కర్లేదు. బుట్ట బొమ్మ సాంగ్ అయితే ఖండాంతరాలు దాటి మరీ.. సెన్సేషన్ క్రియేట్ చేసింది. ఒక్కో పాట ఒక్కో ఆణిముత్యం కాగా, స్టైలిష్ స్టార్ యాక్టింగ్, త్రివిక్రమ్ మేకింగ్‌కు ఫిదా అయిపోయారు జనాలు. ఇక బన్నీ ఫ్యాన్స్ అయితే ఆ హ్యాంగ్ ఓవర్ నుంచి ఇంకా బయటకు రాలేకపోతున్నారు.
కాగా, తాజాగా బాలీవుడ్ ఫిల్మ్ మేకర్ సంజయ్ గుప్తా ఈ సినిమా గురించి ట్వీట్ చేశారు. నెట్ ఫ్లిక్స్‌లో స్ట్రీమ్ అవుతున్న సినిమాను చూసిన ఆయన.. ‘వాట్ ఏ ఫిల్మ్’ అంటూ కాంప్లిమెంట్ ఇచ్చాడు. ఇంత స్వచ్చమైన కల్తీ లేని వినోదాన్ని అందించిన సినిమాను థియేటర్‌లో చూడలేకపోయినందుకు విచారం వ్యక్తం చేశాడు. కరోనా మహమ్మారిని బీట్ చేస్తూ.. నిజంగా జెమ్ లాంటి ఈ సినిమాను చూసి ఎంజాయ్ చేయాలని సూచించారు.
#JustWatched ALA VAIKUNTHAPURRAMULOO on Netflix.
What a film! Pure unadulterated entertainment. Not having seen it in a full theatre will be a life long regret.
Beat the pandemic blues and watch this gem asap.— Sanjay Gupta (@_SanjayGupta) July 11, 2020
గీతా ఆర్ట్స్, హారిక అండ్ హాసిని క్రియేషన్స్ సంయుక్తంగా నిర్మించిన ఈ సినిమా బడ్జెట్ రూ. 100 కోట్లు కాగా.. బాక్సాఫీస్ వద్ద రూ. 262 కోట్ల కలెక్షన్స్ సాధించింది.
