దాడులు చేయడానికి.. మేమూ సిద్ధంగా ఉన్నాం

దిశ, సంగారెడ్డి: నిజామాబాద్ ఎంపీ ధర్మపురి అరవింద్‌పై వరంగల్ జిల్లాలో జరిగిన దాడిని నిరసిస్తూ.. హత్నూర మండల శాఖ ఆధ్వర్యంలో కాసాల దౌల్తాబాద్ చౌరస్తాలో బీజేపీ నాయకులు, కార్యకర్తలు మంగళవారం రాస్తారోకో నిర్వహించారు. ఈ సందర్భంగా పలువురు నాయకులు మాట్లాడుతూ.. టీఆర్ఎస్ నాయకులు అక్రమాలను బయట పెడుతున్న ఎంపీపై దాడి చేయడం సిగ్గుచేటని, దాడులకు ప్రతి దాడులు సమాధానం అయితే సిద్ధంగా ఉన్నామని వారు హెచ్చరించారు. మండలానికి వచ్చే ఎమ్మెల్యే, మంత్రులపై కూడా దాడికి దిగుతామని హెచ్చరించారు.