హైదరాబాద్‎కు టీఆర్ఎస్ చేసిందేమి లేదు

దిశ, వెబ్‎డెస్క్: టీఆర్ఎస్ చిల్లర రాజకీయాలు చేస్తోందని బీజేపీ రాష్ట్రాధ్యక్షుడు బండి సంజయ్ విమర్శించారు. జీహెచ్ఎంసీ ఎన్నికల నేపథ్యంలో బండి సంజయ్ ప్రచారం నిర్వహించారు. ఈ సందర్భంగా ఆయన మాట్లాడుతూ.. కరోనా, వరద బాధితులు సీఎం కేసీఆర్ కు కనిపించలేదని మండిపడ్డారు. ముఖ్యమంత్రిపై ఎంఐఎ కామెంట్లు చూస్తేనే ఇరు పార్టీల మధ్య పొత్తు ఉందని తెలుస్తోందన్నారు. ఎంఐఎం పార్టీతో పొత్తు లేకపోతే పాతబస్తీలో ప్రచారానికి వెళ్లే దమ్ముందా అని ప్రశ్నించారు.

గత ఆరేళ్లలో హైదరాబాద్‎కు టీఆర్ఎస్ చేసిందేమి లేదని బండి సంజయ్ విమర్శించారు. ప్రభుత్వ నిర్లక్ష్యంవల్ల ఇంటర్ విద్యార్థులు ఆత్మహత్య చేసుకున్నారని ఆరోపించారు. గత ఎన్నికల్లో పేదలకు ఇచ్చిన హామీలను టీఆర్ఎస్ ఇప్పటికీ నెరవేర్చలేదని దుయ్యబట్టారు. ఒక్క అవకాశం ఇస్తే హైదరాబాద్ రూపురేఖలు మారుస్తామని బండి సంజయ్ అన్నారు.