తొక్కలో సంచాలక్.. బొక్కలో జడ్జ్‌మెంట్.. అమర్ దీప్‌కి గట్టి క్లాస్ ఇచ్చిన కింగ్ నాగ్..
దిశ, సినిమా: తెలుగు బిగ్ బాస్ సీజన్ 7 ఇంతకు ముందు సీజన్స్‌తో పోలిస్తే రోజురోజుకు మరింత రసవత్తరంగా సాగుతుంది. ట్విస్టుల మీద ట్విస్టులతో టాస్క్‌లు, విన్నర్-రన్నర్స్ తేల్చడంలోనూ స్ట్రాటజీలు కనిపిస్తున్నాయి. మొత్తానికి ఈ సీజన్ ఫస్ట్ కెప్టెన్‌గా రైతు బిడ్డ పల్లవి ప్రశాంత్ ఎంపిక కాగా.. తాజాగా శనివారానికి సంబంధించిన ప్రోమో రిలీజ్ అయింది. నామినేషన్ టాస్క్‌లో మాదిరిగా ఓ షీట్‌పై కంటెస్టెంట్ల బొమ్మలతో ఉన్న కత్తులను గుచ్చుతూ అందరికీ గట్టి రివ్యూ ఇచ్చాడు నాగ్.
వాటిని గుచ్చితే తప్పు చేసినట్లు, గుచ్చకపోతే చేయనట్లు అని వివరించాడు. ముందుగా నాగార్జున ‘మిమ్మల్ని చూస్తే ముచ్చటేస్తుంది’ అంటూ ప్రిన్స్, తేజను ప్రశంసించగా.. తర్వాత అమర్‌దీప్, సందీప్ తెలివి పరాకాష్టకు చేరిందంటూ సీరియస్ అయ్యాడు. బత్తాయి టాస్క్‌లో సందీప్ మోసం చేశాడని వీడియో ప్లే చేసి మరీ చూపించాడు. అప్పుడు సంచాలకుడిగా ఉన్న అమర్ దీప్‌పై ఆగ్రహం వ్యక్తం చేశాడు. అంతేకాదు శుభ, ప్రియాంక, శోభ, శివాజీ ప్రతి ఒక్కరి క్లాస్ ఇచ్చాడు నాగ్. మొత్తానికి వీక్ ఎండ్ మంచి మజా ఇచ్చేలా ఉంది.
