అత్యుత్సాహంతో అందరి ముందు జోకర్ అయిన అమర్.. తన పరువు తానే తీసుకున్నాడుగా..!

దిశ, వెబ్‌డెస్క్: బిగ్ బాస్ 7 సీజన్ 12 వారాలు దిగ్విజయంగా పూర్తి చేసుకుంది. ఇక 12 వ వారంలో నిన్న అశ్విని ఎలిమినేట్ కాగా.. ఈరోజు మరో కంటెస్టెంట్ ఎలిమినేషన్ జరగనుంది. ఈ ఎలిమినేషన్ టెన్షన్ నుంచి హౌస్ మేట్స్‌ను బయటకు తీసుకొచ్చేందకు ప్రతి సండే ఫండేగా మార్చుతాడు బిగ్ బాస్. ఈ క్రమంలోనే ఈ వారం కూడా ఓ అద్భుతమైన టాస్క్‌తో ప్రేక్షకులను ఎంటర్టైన్ చెయ్యగా.. ఆ టాస్క్‌లో అమర్ తన పరువు తానే తీసుకున్నాడు.

ఈ గేమ్‌లో భాగంగా.. నాగార్జున ఇచ్చిన హింట్ ప్రకారం ఫస్ట్ ఎవరైతే గంట కొడతారో వాళ్లు ఆన్సర్స్ చెప్పాల్సి ఉంటుంది. అయితే అమర్ గంట కొట్టాడు కానీ, ఆన్సర్ చెప్పలేక పోయాడు. ఇలా రెండు మూడు రౌండ్లు అయిన తర్వాత.. నాగార్జున్ ఓ బోర్డ్ చూపిస్తాడు. దానిపై రెండు పక్షులు ఉన్నాయి. అది గుర్తించిన పల్లవి ప్రశాంత్ గంట మోగించి.. గువ్వా గోరింకతో అనే సాంగ్ పాడాడు. అది కరెక్ట్ ఆన్సర్ కావడంతో వాళ్ల టీమ్‌కు ఆ సాంగ్ వేశాడు బిగ్ బాస్. దాని తర్వాత మరో బోర్డ్ పైకి లేపాడు నాగార్జున. అది చూసి వెంటనే అమర్ గంట కొట్టి.. శివుడు అని చెప్పాడు. దీంతో హౌస్ మేట్స్ అందరూ నవ్వుతారు. నాగార్జున కూడా నోటి మీద చెయ్యి వేసుకుని చూశారు. అయితే నాగార్జున చూపించిన బోర్డ్‌లో ఉన్నది సైంటిస్ట్ న్యూటన్. రెండో సారి చూపించి అడిగిన కూడా అమర్ శివుడనే చెప్పడంతో అత్యుత్సాహంతో గంట కొట్టి తన పరువు తానే తీసుకున్నట్లు అయింది. ఏదైతే ఏంటీ మరోసారి అమర్ కారణంగా ఈ ప్రోమో చూసి కడుపుబ్బా నవ్వుకుంటున్నారు నెటిజన్లు.