పీరియడ్స్ టైంలో పాడ్స్ ఎలా కొనేదో.. బహిరంగంగా చెప్పిన టాలీవుడ్ హీరోయిన్

దిశ, వెబ్‌డెస్క్: తెలుగు బిగ్‌బాస్ షోకు ప్రేక్షకుల్లో మంచి ఆదరణ ఉంది. ఇప్పటికే ఈ షో తెలుగు, హిందీ, తమిళ, కన్నడ, మలయాళ వంటి బాషల్లో సక్సెస్ ఫుల్‌గా సీజన్లను పూర్తి చేసుకుంటుంది. ముఖ్యంగా తెలుగులో బిగ్‌బాస్ షో దాదాపు ఆరు సీజన్లు పూర్తి చేసుకుని ఏడవ సీజన్ కూడా ఇటీవల మొదలైంది. ఇప్పటికే ఎనిమిది వారాలు పూర్తి చేసుకుంది. ఇందులో వరుసగా ఏడు వారాలు అమ్మాయిలే ఎలిమినేట్ కావడం అందరి దృష్టి బిగ్‌బాస్ వైపుకు మళ్లింది. దీంతో ప్రేక్షకులు ఈ సారి బిగ్‌బాస్ షోను ఎంతో ఆసక్తికరంగా వీక్షిస్తున్నారు. నిన్నటి ఎపిసోడ్‌కు టాలీవుడ్ హీరోయిన్ ఈషారెబ్బా వచ్చి షోను మరింత ఇంట్రెస్టింగ్‌గా మార్చేసింది. ఆమెను నాగార్జున సాధరంగా ఆహ్వానించి ఇంట్లోకి పంపించాడు. ఆ తర్వాత ఈషా వెళ్లి కంటెస్టెంట్స్‌ని పలకరించి డైరెక్ట్ పీరియడ్స్‌పై ఇంటి సభ్యులను కొన్ని ప్రశ్నలు అడిగింది.

ఆ తర్వాత ఈషా పలు ఆసక్తికరమైన కామెంట్స్ చేసింది. ‘‘ మనకు పాడ్స్ అందుబాటులో లేకుండా ఉంటే మనం ఒక నేషనల్ టెలివిజన్‌లో నిలబడి ఉండే వాళ్లం కాదు. నాకు ఇంకా గుర్తుంది.. నా చిన్నప్పుడు పీరియడ్స్ వస్తే వంటగదితోకి రావద్దు అని అనేవారు. అలాగే ఇంట్లో ఏ వస్తువులు ముట్టుకోకుండా ఓకే దగ్గర కూర్చొని ఉండమనేవారు. ఒకప్పుడు పాడ్స్ కొనడానికి కొంచెం ఇబ్బందిగా ఫీల్ అయ్యేవారు. నేను కూడా కాలేజ్ టైమ్‌లో ఎప్పుడైనా వెళ్లి కొనుకోవాలి అనుకుంటే క్లాస్‌లో ఉన్న మ్యాడమ్‌ని పక్కకు పిలిచి కిరాణా షాప్‌కు వెళ్లి వస్తామని చెప్పి వెళ్లేవాళ్లము. షాప్ వాళ్లు కూడా డైరెక్ట్‌గా ఇవ్వకుండా సైడ్‌కి పిలిచి న్యూస్ పేపర్‌లో చుట్టి ఇచ్చేవారు. కానీ ఇప్పుడు అలా ఏం లేదు అని చెప్పుకొచ్చింది. ఆ తర్వాత ప్రియాంక కొన్ని ప్రాంతాల్లో ఇప్పటికీ అలాంటిది ఉంది అంటే అవును ఉంది అని ఈషా అంటుంది. నేను చూసినంత వరకు కొంచెం మాత్రమే ఉంది అది చాలా చాలా మంచి విషయం అని తెలిపింది’’ . ఆ తర్వాత కంటెస్టెంట్స్‌తో ఓ ప్లెడ్జ్ చెప్పించింది. ఇక తాను చెప్పిన విషయాలు పూర్తి కావడంతో ఇంటి నుంచి ఈషా బయటకు వెళ్ళిపోయింది. నాగార్జున ఎలిమినేషన్ స్టార్ట్ చేశాడు. ఎలిమినేషన్స్‌లో ఉన్నవారంతా సేఫ్ అవ్వగా చివరికి రతిక, తేజ ఉన్నారు. తొమ్మిదో వారం ఓట్లు తక్కువ పడినందున బిగ్‌బాస్ హౌస్ నుంచి టేస్టీ తేజ ఎలిమినేట్ అయి ఇంటి నుంచి బయటకు వచ్చేశాడు.