భయపడ్డ ‘బిగ్ బాస్’.. అందుకే ఈసారి ఇలా..!

దిశ, వెబ్‌డెస్క్: బుల్లితెరపై ప్రచారం అవుతున్న షోలలో ‘బిగ్ బాస్’ ఒకటి. రియాలిటీ షోగా మంచి పేరు తెచ్చుకున్న బిగ్ బాస్.. మొదట మూడు, నాలుగు సీజన్ల వరకు బాగానే సాగిన తర్వాత అంతగా ఆకట్టుకోలేక పోయింది. ప్రతి సీజన్‌లో ఉన్నట్లు గానే అవే రొటీన్ గేమ్స్ ఉండేసరికి ప్రేక్షకులు షోకు దూరం అయ్యారు. ఇక ఆరో సీజన్ టీఆర్‌పీ రేటింగ్ అయితే మరింత దారుణంగా పడిపోయింది. దీంతో 7 వ సీజన్ మాత్రం గట్టిగానే ప్లాన్ చేసినట్లు తెలుస్తోంది. గత సీజన్‌లో హౌస్‌లోకి 20 మంది కంటెస్టెంట్స్ పంపగా.. ఈసారి కేవలం 14 మందిని మాత్రమే పంపించారు.

అయితే వీళ్లు మాత్రమే ఆడుతారా అంటే కాదనిపిస్తుంది. మరో 6,7 మంది వైల్డ్ కార్డు ఎంట్రీ ద్వారా హౌస్ లోకి వచ్చే అవకాశాలు కనిపిస్తున్నాయి. అయితే ఎలిమినేషన్ వైల్డ్ కార్డ్ ఎంట్రీ ఒకేసారి ఉంటుందో లేదో చూడాల్సి ఉంది. దీంతో పాటుగా.. ఈసారి ఓటింగ్ విషయంలో కూడా మార్పులు చేశారు. గత 6 సీజన్ల వరకు మనిషి 10 ఓట్లు ఇస్తే.. ఈసారి మాత్రం ఒక్కరికి ఒక్క ఓటు మాత్రమే వేయగలరు. మిస్ట్ కాల్ లేదా హాట్ స్టార్ ఏదైనా సరే కేవలం ఒక్క ఓటు మాత్రమే వేసే అవకాశం ఉంది. అయితే.. ఈ మార్పులు గత సీజన్లను దృష్టిలో పెట్టుకుని చేసినట్లు తెలుస్తుంది. ప్రేక్షకులను ఆకట్టుకునేందుకు బిగ్ బాస్ ఇదంతా చేస్తుంటే.. ఈసారి బిగ్ బాస్ భయపడ్డాడు అందుకే ఇన్ని చేస్తున్నారు అంటూ నెట్టింట టాక్ నడుస్తోంది.