బిగ్ ట్విస్ట్ ఇచ్చిన బిగ్‌బాస్.. పల్లవి ప్రశాంత్ కెప్టెన్సీ రద్దు..
దిశ, వెబ్‌డెస్క్: బిగ్ బాస్-7 ఐదు వారాలు పూర్తి చేసుకుని ఆరో వారంలోకి ఎంట్రీ ఇచ్చిన విషయం తెలిసిందే. హౌస్ నుంచి ఐదుగురు కంటెస్టెంట్స్ ఎలిమినేట్ కాగా.. వైల్డ్ కార్డ్ ఎంట్రీ ద్వారా మరో ఐదుగురు కంటెస్టెంట్స్ హౌస్‌లో ఎంట్రీ ఇచ్చారు. ఇక ఈ వారం నామినేషన్స్ పక్రియ కూడా రసవత్తరంగా సాగింది. లాస్ట్ వారం కెప్టెన్సీ టాస్క్‌లో పల్లవి ప్రశాంత్ గెలిచి.. బిగ్ బాస్ హౌస్‌లో మొదటి కెప్టెన్ అయిన విషయం తెలిసిందే. అయితే ఈ రోజు ప్రోమోలో ప్రశాంత్ కెప్టెన్సీని బిగ్ బాస్ రద్దు చేసినట్లు తెలుస్తోంది.
కెప్టెన్ అంటే అందరిని కంట్రోల్‌ చేయాలి. ఆ క్వాలిటీ ప్రశాంత్‌లో లేదు అని శోభా శెట్టి చెప్పగా.. అమర్ దీప్, సందీప్ కూడా ప్రశాంత్ కెప్టెన్సీకి అనర్హుడు అంటూ చెప్పుకొచ్చారు. అంతే కాకుండా.. హౌస్ లోకి కొత్తగా వచ్చిన వాళ్లు కూడా కెప్టెన్‌గా ప్రశాంత్ అనర్హుడు అని చెప్పారు. చివరికి శివాజీ కూడా ప్రశాంత్ కెప్టెన్‌గా అనర్హుడు అని చేయి ఎత్తుతాడు. మొత్తంగా హౌస్ మేట్స్ అందరూ ఒక్కటై ప్రశాంత్‌ని కెప్టెన్‌గా అనర్హుడిని చేశారు. అయితే.. ప్రశాంత్ బిగ్ బాస్‌కు వివరణ ఇస్తాడు.. కానీ ఎవరు వినిపించుకోరు. తను ఎంత వర్క్ చెప్పినా నువ్వేంటి నాకు చెప్పేది అన్నట్లు చూస్తున్నారు. నేను ఎవరకీ చెప్పిన వాళ్లు వర్క్ చేయడం లేదు అంటూ వివరణ ఇస్తాడు. దీంతో బిగ్ బాస్ ప్రశాంత్ కెప్టెన్సీని రద్దు చేస్తూ.. బ్యాడ్జ్‌ను వెనక్కి తీసేసుకున్నారు. దీంతో ప్రశాంత్ కన్నీళ్లు పెట్టుకున్నాడు.
