Diabetes ఉన్నవారు ఏ పండ్లు తినాలంటే ?

దిశ, వెబ్‌డెస్క్ : ఈ మధ్య కాలంలో చాలా మంది డయాబెటిస్‌తో బాధపడుతున్నారు. డయాబెటిస్ రోగులు ఆరోగ్యంగా ఉండటానికి చక్కెర స్థాయిని నియంత్రణలో ఉంచుకోవాలి. ఆరోగ్యం మీద ప్రత్యేక శ్రద్ధ తీసుకున్నప్పుడే చక్కెర స్థాయి అదుపులో ఉంటుంది. అలాగే వేళకు తినడం, మంచి నిద్ర, ఒత్తిడి లేకుండా ఉండడం, ఆరోగ్యానికి హాని చేసే ఆహార పదార్థాలకు దూరంగా ఉండటం వంటివి పాటిస్తూ ఉండాలి. దాంతో చక్కెర స్థాయి అదుపులో ఉండి ఆరోగ్యంగా ఉంటారు. చాలా మంది డయాబెటిక్ రోగులు కార్బోహైడ్రేట్లను వారి ఆహారం నుండి తొలగిస్తారు. కానీ అది ఆరోగ్యానికి హాని కలిగిస్తుంది. కార్బోహైడ్రేట్లను తొలగించడానికి బదులుగా, మీరు మీ ఆహారంలో ఆరోగ్యకరమైన పిండి పదార్థాలను చేర్చాలి. ఇది మీకు అనేక విధాలుగా ప్రయోజనకరంగా ఉంటుంది. పండ్లలో ఫైబర్, విటమిన్స్ మరియు మినరల్స్ ఎక్కువగా ఉంటాయి. అదే విధంగా షుగర్ కూడా ఎక్కువగా ఉంటుంది. కాబట్టి డయాబెటిస్ తో బాధ పడే వారు ఏ పండ్లను ఎక్కువగా తీసుకోవాలి అనేది తెలుసుకుందాం.

పండ్లు ఆరోగ్యకరమైన కార్బోహైడ్రేట్‌లకు మంచి వనరుగా పరిగణించబడతాయి. పండ్లలో సహజ చక్కెర ఉంటుంది. ఇందులో విటమిన్లు అవసరమైన పోషకాలు కూడా పుష్కలంగా ఉన్నాయి. డయాబెటిస్ రోగులు ఆపిల్, ద్రాక్ష, బెర్రీలు, తినవచ్చు. మీరు మామిడి, లిచ్చి , చికూ వంటి తక్కువ తీపి పండ్లను తినాలి. మీఅవోకాడోస్, జామూన్, కివి పండు, రేగు, మరియు జామ వంటి పండ్లను తీసుకోవడం వల్ల రక్తంలో చక్కెర స్థాయిలను నిర్వహించడంలో సహాయ పడుతుంది.