షెడ్యూల్ ప్రకారమే ఐపీఎల్… బీసీసీఐ క్లారిటీ

దిశ, వెబ్‌డెస్క్: ఐపీఎల్ 2021 షెడ్యూల్ ప్రకారమే జరుగుతుందని బీసీసీఐ వైస్ ప్రెసిడెంట్ రాజీవ్ శుక్లా తెలిపారు. దేశవ్యాప్తంగా కరోనా కేసులు పెరుగుతుండటం, ఐపీఎల్‌లో ఆడబోయే పలువురు క్రికెటర్లు కరోనా బారిన పడిన నేపథ్యంలో టోర్నీ నిర్వహణ కోసం అన్ని జాగ్రత్తలు తీసుకుంటున్నట్లు చెప్పారు.

6 వేదికలు మాత్రమే ఐపీఎల్ కోసం సిద్ధంగా ఉంచామని, బుయో బబుల్ క్రియేట్ చేశామని రాజీవ్ శుక్లా స్పష్టం చేశారు. జట్టులో సభ్యులను కూడా పెంచినట్లు చెప్పిన ఆయన.. స్టేడియంలో ప్రేక్షకులు లేకుండానే ఐపీఎల్ జరుగుతుందన్నారు. ఐపీఎల్‌లో పాల్గొనే ఆటగాళ్లకు కరోనా వ్యాక్సిన్ వేయించే విషయంపై ఆరోగ్య మంత్రిత్వశాఖతో బీసీసీఐ సంప్రదింపులు జరుపుతోందని రాజీవ్ శుక్లా పేర్కొన్నారు.