క్రికెట్ టోర్నీని ప్రారంభించిన ఏఎస్పీ.. జోష్‌లో క్రీడాకారులు
దిశ, బూర్గంపాడు : బూర్గంపాడు మండల కేంద్రంలో దుగ్గిరాల ఎల్లారెడ్డి మెమోరియల్ రాష్ట్ర స్థాయి క్రికెట్ పోటోలను ఆదివారం పాల్వంచ ఏఎస్పీ రోహిత్ రాజ్ ప్రారంభించారు. ఈ కార్యక్రమానికి ముఖ్య అతిథిగా విచ్చేసిన ఏఎస్పీ రోహిత్ రాజ్‌కు క్రికెట్ టోర్నమెంట్ కమిటీ సభ్యులు ఘనంగా స్వాగతం పలికారు. ఏఎస్పీ క్రీడాకారులను పరిచయం చేసుకొని, అనంతరం బ్యాటింగ్ చేసి ఈ క్రికెట్ పోటీలను ప్రారంభించారు.
ఈ కార్యక్రమంలో బూర్గంపాడు జడ్పీటీసీ కామిరెడ్డి శ్రీలత, ఎస్ఐ సముద్రాల జితేందర్, సర్పంచ్ స్వప్న, నేషనల్ టూబాకో బోర్డ్ మెంబర్ బైరెడ్డి ప్రభాకర్ రెడ్డి, బూర్గంపాడు మాజీ జడ్పీటీసీ సభ్యులు భట్టా విజయ గాంధీ, గ్రామ పెద్దలు డాక్టర్ సత్యనారాయణ, సూర్య ప్రసాద్, మాజేటి రామకృష్ణ, టీఆర్ఎస్ పార్టీ టౌన్ అధ్యక్షులు గోనెల నాని, ఆర్గనైజింగ్ కమిటీ సభ్యులు సోహెల్ పాషా, సలీమ్, బొల్లు రవి, భజన ప్రసాద్, భజన సతీష్, గోనెల సర్వేష్, కన్నెబోయిన సారధి కుమార్ తదితరులు పాల్గొన్నారు.
