ప్రభాస్ సినిమాలో.. విలన్ అతడేనా?

దిశ, వెబ్ డెస్క్: యంగ్ రెబ‌ల్‌స్టార్ ప్ర‌భాస్‌ ప్రస్తుతం రాధాకృష్ణ దర్శకత్వంలో ఓ సినిమా చేస్తున్న విషయం తెలిసిందే. ఈ సినిమా తర్వాత ప్రభాస్.. మహానటి ఫేం నాగ్ అశ్విన్ దర్శకత్వంలో సినిమా చేయనున్నాడు. భారీ బడ్జెట్ తో పాన్ ఇండియా మూవీగా ఈ చిత్రాన్ని నిర్మించనున్నారు. ఈ సినిమాకు సంబంధించిన ప్రీ ప్రొడ‌క్ష‌న్ ప‌నులు జ‌రుగుతున్నాయి. అయితే తాజాగా ఈ సినిమాకు సంబంధించిన ఓ వార్త సోషల్ మీడియాలో వైరల్ అవుతోంది. ప్రభాస్ కు విలన్ గా నటుడు అరవింద్ స్వామి అయితే బాగుంటుందని నాగ్ అశ్విన్ అభిప్రాయపడుతున్నారు. పాన్ ఇండియా మూవీ కావడంతో.. అరవింద్ స్వామి అయితే అటు కోలీవుడ్, ఇటు బాలీవుడ్ లతో పాటు తెలుగులోనూ మంచి గుర్తింపు ఉంది. అది కూడా సినిమాకు ప్లస్ అవుతుందని చిత్ర యూనిట్ భావిస్తోంది. అరవింద్ స్వామితో కూడా చిత్ర బృందం మాట్లాడిందని ఫిల్మ్ నగర్ టాక్. అరవింద్ స్వామి ఇప్పటికే ‘ధృవ’ సినిమాలో విలన్ గా నటించి మెప్పించారు. స్టైలిష్ విలన్ గా మంచి పేరు పొందాడు. అన్నీ అనుకున్నట్లు జరిగితే.. ప్రభాస్ 21 సినిమా ఈ ఏడాది చివర్లు సెట్స్ పైకి వెళుతుందని సమాచారం. 2021 చివరి కల్లా విడుదల చేయాలని నాగ్ అశ్విన్ ప్లాన్ చేస్తున్నట్లు తెలుస్తుంది.

tags: prabhas, nag ashwin, arvind swamy, prabhas 21