YS Sharmila: రిషికొండ ప్యాలెస్‌ వ్యవహరంలో ఫస్ట్ టైం స్పందించిన షర్మిల.. అన్న జగన్‌పై సంచలన వ్యాఖ్యలు

దిశ, వెబ్‌డెస్క్: రాష్ట్రంలో జరిగిన సార్వత్రిక ఎన్నికల్లో కాంగ్రెస్ పార్టీ ఖాతా తెరవలేకపోయింది. ఇక ఆ పార్టీ చీఫ్ వైఎస్ షర్మిల కడప ఎంపీగా పోటీ చేసిన ఘోర పరాజయాన్ని చవిచూశారు. ఈ క్రమంలో ఆమె ఇవాళ విజయవాడలో మీడియాతో మాట్లాడుతూ.. రిషికొండ ప్యాలెస్ వివాదంపై మొదటిసారిగా స్పందించారు. ఆ ప్యాలెస్ కోసం ప్రజల సొమ్మును విచ్చలవిడిగా ఖర్చుపెట్టారని.. అది ఏమాత్రం క్షమించరాని నేరమని అన్నారు. అసలు ఆ భవనాలకు ఎందుకు నిర్మించారో వాళ్లకే క్లారిటీల లేదని.. వెంటనే ఆ వ్యవహారంపై సిట్టింగ్ జడ్జితో విచారణ చేయించి అక్రమాలను వెలికి తీయాలని అన్నారు. ఏదైనా తప్పు జరిగినట్లు తేలితే బాధ్యులపై కఠినంగా చర్యలు తీసుకోవాలని డిమాండ్ చేశారు. ఐదేళ్ల కాలంలో వైసీపీ ప్రభుత్వం రూ.8 లక్షల కోట్లు అప్పు చేసి రాష్ట్ర ప్రజలపై తీవ్ర భారం మోపిందని అన్నారు.