అల్లు అర్జున్ అరెస్ట్ పై స్పందించిన మృతురాలు రేవతి భర్త

దిశ,వెబ్‌డెస్క్: ఐకాన్ స్టార్ అల్లు అర్జున్‌ (Allu Arjun) అరెస్ట్‌ ఘటనలో ఊహించని మలుపు చోటు చేసుకుంది. అల్లు అర్జున్‌ అరెస్ట్‌ నేపథ్యంలో తాజాగా సంధ్య థియేటర్‌ తొక్కిసలాట ఘటనలో మృతి చెందిన రేవతి భర్త భాస్కర్ స్పందించాడు. మీడియాతో మృతురాలు రేవతి భర్త మాట్లాడుతూ.. ఈ ఘటనకు అల్లు అర్జున్‌కు సంబంధం లేదు. అల్లు అర్జున్ అరెస్ట్ చేసిన విషయం టీవీలో చూసి తెలుసుకున్నా అన్నారు. కేసును విత్ డ్రా చేసుకుంటాను. బన్నీని విడుదల చేయాలని పోలీసులను కోరారు. అల్లు అర్జున్‌తో పాటు ఆ రోజు చాలా మంది థియేటర్‌కు వచ్చారని పేర్కొన్నారు. ఈ నేపథ్యంలో మరి పోలీసులు, కోర్టు ఎలా స్పందిస్తారో అనే దానిపై సర్వత్రా ఆసక్తికరంగా మారింది. ఈ నెల 4వ తేదీన రాత్రి పుష్ప-2 (Puspa-2) మూవీ బెనిఫిట్‌ షో సందర్భంగా హైదరాబాద్‌లోని సంధ్య థియేటర్‌కు ఐకాన్ స్టార్ అల్లు అర్జున్‌ కుటుంబ సభ్యులు, హీరోయిన్‌ రష్మిక మందన్న వచ్చారు. ఈ క్రమంలో ఒక్కసారిగా అక్కడ ఉద్రిక్తత వాతావరణం చోటుచేసుకుంది. థియేటర్ వద్ద తొక్కిసలాటలో ఓ మహిళ మృతిచెందగా ఆమె కుమారుడు తీవ్రంగా గాయపడిన విషయం తెలిసిందే.