Rain alert: రాష్ట్రానికి మూడు రోజుల పాటు వర్ష సూచన

దిశ, వెబ్ డెస్క్: పది రోజుల క్రితం దంచికొట్టిన భారీ వర్షాలు గత వారం రోజులుగా ఏపీ రాష్ట్ర ప్రజలకు ఉపశమనం కలిగించాయి. ఈ భారీ వర్షాల కారణంగా ఏర్పడిన వరదల నుంచి ఇప్పుడిప్పుడే ప్రజలు కోలుకుంటున్నారు. ఈ క్రమంలో వాతావరణ శాఖ పిడుగు లాంటి వార్త చెప్పింది. రాష్ట్రంలో మూడు రోజులపాటు వర్షాలు కురుస్తాయని తెలిపింది. ముఖ్యంగా.. ఉత్తర కోస్తా, దక్షిణ కోస్తా లోని పలు ప్రాంతాల్లో తేలికపాటి నుంచి ఓ మోస్తరు వానలు పడే అవకాశం ఉందని వాతావరణ శాఖ తెలిపింది. ఈ సమయంలో గంటకు 30-40 కిలోమీటర్ల వేగంతో ఈదురు గాలులు వీచే ఛాన్స్ ఉందని అంచనా వేసింది.