Atrocious: వీధి కుక్కల దాడిలో బాలుడికి తీవ్రగాయాలు

దిశ, డైనమిక్ బ్యూరో: బాపట్ల జిల్లా బల్లికురవ రూరల్ మండలం వి కొప్పరపాడులో వీధికుక్కలు స్వైర విహారం చేశాయి. ఐదేళ్ల బాలుడిపై విరుచుకుపడ్డాయి. వీధి కుక్కల దాడిలో బాలుడు తీవ్రంగా గాయపడ్డాడు. వి.కొప్పెరపాడులో బహిర్భూమికి వెళుతున్న ఐదేళ్ల వయసున్న డెపావత్ అయిష్ నాయక్‌పై కుక్కలు దాడి చేశాయి. అది గమనించిన స్థానికులు వీధి కుక్కలను రాళ్లతో తరిమికొట్టారు. వీధికుక్కల దాడిలో గాయపడిన బాలుడిని చికిత్స నిమిత్తం ఒంగోలు రిమ్స్‌కు తరలించారు.

అయితే కొప్పరపాడు గ్రామంలో వీధి కుక్కులు ఎక్కువగా ఉన్నాయని, వాటిని పట్టుకోవాలని మున్సిపల్ సిబ్బందికి ఫిర్యాదు చేసినా పట్టించుకోలేదని గ్రామస్తులు అంటున్నారు. ఇప్పటికైనా అధికారులు స్పందించి కుక్కల బెడదను తప్పించాలని కోరుతున్నారు.