అంబటి రాంబాబు పై కేసు నమోదు చేసిన పోలీసులు

దిశ, వెబ్ డెస్క్: వైసీపీ మాజీ మంత్రి అంబటి రాంబాబు(Ambati Rambabu)కు పట్టాభిపురం పోలీసులు(Pattabhipuram Police) షాక్ ఇచ్చారు. నిన్న మాజీ మంత్రి తన అనుచరులతో కలిసి గుంటూరులోని పట్టాభిపురం పోలీస్ స్టేషన్ కు వెళ్లారు. టీడీపీ, జనసేన సోషల్ మీడియా పై ఫిర్యాదు చేశాడు. అనంతరం తాము ఇచ్చిన ఫిర్యాదులపై ఎప్పటి లోపు చర్యలు తీసుకుంటారో చెప్పాలని డిమాండ్ చేస్తూ పోలీసులతో వాగ్వాదానికి దిగారు. స్టేషన్ మెట్లపై అనుచరులతో కూర్చుని చేతిలో ప్లకార్డులు పట్టుకుని నిరసన వ్యక్తం చేశారు. దీంతో పోలీసుల విధులకు అంటకం కలిగించారని అంబటి రాంబాబుపై పట్టాభిపురం పోలీసులు ఇవాళ కేసు నమోదు చేశారు. కాగా ఈ వార్త వైరల్ గా మారడంతో.. పోలీస్ స్టేషన్ లో అంబటి రాంబాబు ధర్నాకు దిగిన వీడియోను షేర్ చేస్తూ.. ఎరక్క పోయి ఇరుక్కుపోయిన మాజీ మంత్రి అంటూ ట్రోల్స్ చేస్తున్నారు.