శ్రీవారిని దర్శించుకున్న పలువురు ప్రముఖులు..

దిశ,తిరుమల: తిరుమల శ్రీ వెంకటేశ్వర స్వామి వారిని ఆదివారం ఉదయం నైవేద్యం విరామ సమయంలో పలువురు ప్రముఖులు స్వామివారిని దర్శించుకున్నారు. ఏపీ రాష్ట్ర హైకోర్టు న్యాయమూర్తులు నరేంద్ర, మన్మధరావు, మధ్యప్రదేశ్ హైకోర్టు న్యాయమూర్తి దుప్పల వెంకటరమణ తిరుమలకు వచ్చారు. ఆదివారం ఉదయం నైవేద్యం విరామ సమయంలో కుటుంబ సమేతంగా స్వామివారిని దర్శించుకున్నారు. ముందుగా ఆలయం వద్ద వీరికి టీటీడీ అధికారులు స్వాగతం పలికి దర్శన ఏర్పాట్లు చేశారు. అనంతరం ఆలయ రంగనాయక మండపంలో వేద ఆశీర్వచనం పలికి తీర్థప్రసాదాలు అందజేశారు.