Golden cobra:బంగారు పడగ పాము.. చూడడానికి ఎగబడుతున్న స్థానికులు
దిశ,వెబ్‌డెస్క్: విశాఖపట్నంలోని యారాడ నేవీ ఉద్యోగుల క్వార్టర్స్‌(Navy Staff Quarters)లో అరుదైన నాగు పాము కనిపించింది. ఈ పాము పడగ మొత్తం బంగారు వర్ణం(Golden color)లో కనిపిస్తుంది. పడగకు ముందు వెనుక మాత్రమే గోల్డ్ కలర్‌లో, మిగతా భాగం మొత్తం సాధారణంగా ఉండటం విశేషం. అయితే ఈ ఆశ్చర్యకరమైన పాము(Golden nagu) ఓ ఉద్యోగి కార్ షెడ్‌లో దర్శనమిచ్చింది. కారు బయటకు తీస్తున్న సమయంలో ఈ పామును చూసిన సదరు ఉద్యోగి స్నేక్ క్యాచర్ నాగరాజుకు సమాచారం అందించారు. వెంటనే అక్కడికి చేరుకున్న నాగరాజు ఈ పామును చూసి ఆశ్చర్యపోయాడు.
ఈ క్రమంలో ఆ పామును బంధించారు. ఈ అరుదైన పాము(Snake)ను స్థానికులు ఆసక్తిగా తిలకించారు. అనంతరం స్నేక్ క్యాచర్(Snake Catcher) నాగరాజు ఈ పామును జనావాసాలకు దూరంగా వదిలిపెట్టారు. కాగా, ఇలాంటి పాములు చాలా అరుదుగా కనిపిస్తాయని, తొమ్మిదేళ్ల క్రితం ఇలాంటి పామును చూశానని స్నేక్ క్యాచర్ నాగరాజు చెప్పారు. స్వర్ణ నాగు(Golden nagu)గా పేరుగాంచిన ఈ పాము ఎడారి ప్రాంతంలో నివసిస్తూ ఉంటుంది. ప్రధానంగా ఆఫ్రికాలో ఈ జాతి పాములు ఎక్కువగా కనిపిస్తాయి. దీని శాస్త్రీయ నామం కేప్ కోబ్రా. పసుపు కోబ్రా అని కూడా పిలుస్తారు. ఇది దక్షిణాఫ్రికా ఎడారి, సెమీ ఎడారి ప్రాంతాలతో నివసించే అత్యంత విషపూరితమైన నాగుపాము జాతికి చెందినదని స్నేక్ క్యాచర్ చెబుతున్నారు.
