Breaking: ఏపీలో పొత్తులపై బీజేపీ నేతల కీలక నిర్ణయం
దిశ, వెబ్ డెస్క్: పొత్తులపై ఏపీ బీజేపీ నేతలు కీలక నిర్ణయం తీసుకున్నారు. బీజేపీ అధిష్టానం మేరకే పొత్తులుంటాయని.. అగ్రనాయకులు ఏ నిర్ణయం తీసుకున్నా అందుకు కట్టుబడి ఉంటామని తీర్మానించారు. విజయవాడలో ఏపీ బీజేపీ ముఖ్య నేతల సమావేశం కొనసాగుతోంది. శనివారం ఉదయం సమావేశం ప్రారంభంకాగానే రాయలసీమ నేతలతో ఆ పార్టీ నేత శివప్రకాశ్ చర్చించారు. పొత్తులు, పార్టీ బలాబలాలపై తిరుపతి, అనంతపురం, చిత్తూరు, కడప, నంద్యాల జిల్లాలకు చెందిన నేతల నుంచి అభిప్రాయాలను సేకరించారు.
ప్రస్తుతం సమావేశం కొనసాగుతోంది. ఈ సందర్భంగా ఎంపీ సీఎం రమేశ్ మాట్లాడుతూ పొత్తులపై నేతల అభిప్రాయాలను అధిష్టానం సేకరించినట్లు తెలిపారు. పొత్తు పెట్టుకుంటే ఎలా.. ఒంటరిగా ఎన్నికలకు వెళితే ఎలా అంశంపై ఈ సమావేశంలో చర్చిచామని తెలిపారు. కానీ పొత్తులపై మాత్రం తుది నిర్ణయం అధిష్టానందేని నేతలు అభిప్రాయం వ్యక్తం చేశారని ఆయన పేర్కొన్నారు.
బీజేపీ మాజీ ఎమ్మెల్యే విష్ణుకుమార్ రాజు మాట్లాడుతూ వచ్చే ఎన్నికల్లో పొత్తులు ఉంటేనే మంచిదని ప్రజలు చెబుతున్నారన్నారు. ఈ మీటింగ్ ప్రీ ఫైనల్ లాంటిదని చెప్పారు. క్షేత్ర స్థాయిలో వాస్తవ పరిస్థితులపై చర్చించామని తెలిపారు. బీజేపీ అభ్యర్థుల బలాబలాపై చర్చించామని విష్ణుకుమార్ రాజు పేర్కొన్నారు.
Read More..
ఏపీ రాజకీయాల్లో కీలక ట్విస్ట్.. పవన్ పై పోటీకి సిద్ధమైన కాపు నేత..!
