Varahi Yatra: కాసేపట్లో జనసేన కార్యకర్తలతో పవన్ కల్యాణ్ కీలక భేటీ
దిశ, వెబ్ డెస్క్: జనసేన అధినేత పవన్ కల్యాణ్ వారాహి యాత్రకు సర్వంసిద్ధమైంది. నేటి నుంచి నాలుగో విడుత యాత్రకు ఆ పార్టీ అధినేత సిద్ధమయ్యారు. కృష్ణా జిల్లా అవనిగడ్డలో మధ్యాహ్నం 3 గంటలకు బహిరంగ సభ నిర్వహించనున్నారు. ఈ మేరకు జనసేన నేతలు, కార్యకర్తలతో మరికాసేపట్లో మంగళగిరి పార్టీ కార్యాలయంలో భేటీ కానున్నారు. నాలుగో విడత వారాహి యాత్ర, బహిరంగ సభల ఏర్పాట్లపైనా చర్చించనున్నారు. ప్రధానంగా టీడీపీతో పొత్తులో భాగంగా ఆ పార్టీకి చెందిన నేతలు, కార్యకర్తలు కూడా వారాహి యాత్రలో పాల్గొంటారని భావిస్తున్నారు.
ఇక అలాగే జరిగితే ఇరు పార్టీ కార్యకర్తలు సహకరించుకోవాలని జనసేత నేతలు, కార్యకర్తలకు పవన్ ఇప్పటికే సూచించినట్లు తెలుస్తోంది. రేపు కృష్ణా జిల్లా జనసేన నాయకులతో పవన్ కల్యాణ్ సమావేశం నిర్వహించనున్నారు. 3న జనవాణి కార్యక్రమంలో సమస్యలపై ప్రజల నుంచి పవన్ కల్యాణ్ అర్జీలు తీసుకోనున్నారు. 4న పెడన, 5న కైకలూరు నియోజకవర్గాల్లో పవన్ కల్యాణ్ వారాహి యాత్ర నిర్వహించనున్నారు. ఈ విడతల్లో పవన్ కల్యాణ్ మొత్తం రోజులు పాటు యాత్ర చేపట్టనున్నారు.
