Nellore : నెల్లూరులో హై టెన్షన్.. కోటంరెడ్డి హౌస్ అరెస్ట్

దిశ, వెబ్‌డెస్క్: నెల్లూరులో టెన్షన్ వాతావరణం నెలకొంది. వైసీపీ నుంచి సస్పెండ్ అయిన నెల్లూరు రూరల్ ఎమ్మెల్యే కోటం రెడ్డి శ్రీధర్ రెడ్డిని పోలీసులు హౌస్ అరెస్ట్ చేశారు. నెల్లూరు నగరంలోని మాగుంట లేఅవుట్‌లోని నివాసం నుంచి కోటంరెడ్డి బయటకు వెళ్లకుండా ఆయన్ను పోలీసులు అడ్డుకున్నారు. జలదీక్షకు అనుమతి లేదంటూ పోలీసులు అడ్డుకోవడంతో కోటం రెడ్డి తన ఇంటి వద్దే బైఠాయించి నిరసనకు దిగారు.

అయితే పొట్టెపాలెం కలుజు వద్ద వంతెన నిర్మాణం చేయాలని డిమాండ్ చేస్తూ కోటంరెడ్డి శ్రీదర్ రెడ్డి 8 గంటల పాటు జలదీక్షకు పిలుపునిచ్చారు. జలదీక్షకు వెళ్లేందుకు సిద్ధం అవుతుండగా పోలీసులు ఆయనను హౌస్ అరెస్ట్ చేశారు. విషయం తెలుసుకున్న కోటంరెడ్డి అభిమానులు పెద్ద సంఖ్యలో ఆయన ఇంటి వద్దకు చేరుకుంటున్నారు. ముందస్తు చర్యల్లో భాగంగా పోలీసులు కోటంరెడ్డి ఇంటి వద్ద భారీగా మోహరించారు.

Read more:

పవన్​దారెటు?