పేలిన బాణసంచా.. మంటల్లో 14 మంది..

దిశ, వెబ్‌డెస్క్: బాణసంచా పేలి ఓ ఇంట్లో 14 మందికి తీవ్రగాయాలైన ఘటన అంబేడ్కర్ కోనసీమ జిల్లా అమలాపురంలో చోటు చేసుకుంది. ఈ పేలుడు ధాటికి రెండంస్థుల భవనం కుప్పకూలిపోయింది. కాగా.. ఈ ఘటనలో ఒకరి పరిస్థితి విషమంగా ఉండగా.. హుటాహుటిన ఆసుపత్రికి తరలించారు. గాయపడిన మిగిలిన వారిలో ఎక్కువమంది చిన్నారులే ఉండడం ఆందోళన కలిగిస్తోంది. ఇక సమాచారం అందిన వెంటనే ఫైర్ సిబ్బంది, పోలీసులు ఘటనా స్థలానికి చేరుకుని మంటలను అదుపు చేసి క్షతగాత్రులను రక్షించారు. అయితే ఈ పేలుడు ఎలా జరిగింది..? ఎందుకు జరిగింది..? అనే విషయాలపై ప్రస్తుతం విచారణ జరుగుతోంది. అయితే ఉన్నట్లుండి భారీ పేలుడు సంభవించడంతో స్థానికులు తీవ్ర భయాందోళనలకు గురయ్యారు.