Exams: ఏపీలో ఇంటర్ పరీక్షలు ఎప్పుడంటే..!

దిశ, వెబ్ డెస్క్: ఏపీలో ఇంటర్ పరీక్షలు(Inter exams) నిర్వహించేందుకుపై విద్యాశాఖ అధికారులు(Education officials) కసరత్తులు చేస్తున్నారు. మార్చి 1 నుంచి పరీక్షలు నిర్వహించాలని ప్రాతిపాదించారు. మార్చి 1 నుంచి 20వ తారీకు వరకూ ఇంటర్ ఫస్ట్, సెకండియర్ పరీక్షలు నిర్వహించాలని అధికారులు ప్రతిపాదనలు చేశారు. అలాగే మానవ విలువలు-నైతికత పరీక్షలు ఫిబ్రవరి 1,3 తేదీల్లో, మార్చి 10 నుంచి ఇంటర్ ప్రాక్టికల్ పరీక్షలు నిర్వహించాలని అధికారులు నిర్ణయించారు. ఈ మేరకు ప్రభుత్వానికి ప్రతిపాదనలను పంపారు. ప్రభుత్వం నుంచి ఆమోదం వచ్చిన వెంటనే ఇంటర్ పరీక్షలకు షెడ్యూల్ విడుదల చేయనున్నారు. విద్యార్థులు ఇప్పటి నుంచే పరీక్షలకు ప్రిపేర్ కావాలని ఇంటర్ అధికారులు సూచించారు. పరీక్షల్లో ప్రతిభ చూపి ఎక్కువ మార్కులు సాధించాలని పిలుపునిచ్చారు.