Breaking News: పెద్దాపురం టీడీపీ టికెట్ ఆయనకే.. క్లారిటీ ఇచ్చిన చంద్రబాబు
దిశ, వెబ్ డెస్క్: పెద్దాపురం టికెట్‌పై టీడీపీ అధినేత చంద్రబాబు క్లారిటీ ఇచ్చారు. 'ఇదేం ఖర్మ' రాష్ట్రానికి కార్యక్రమంలో భాగంగా చంద్రబాబు ఉమ్మడి తూర్పుగోదావరి జిల్లాలో పర్యటిస్తున్న విషయం తెలిసిందే. ఈ సందర్భంగా పెద్దాపురం సీటుపై స్పష్టత ఇచ్చారు. మాజీ హోంమంత్రి, సిట్టింగ్ ఎమ్మెల్యే చింతకాయల చిన్న రాజప్పకే వచ్చే ఎన్నికల్లో పెద్దాపురం ఇస్తున్నట్లు ప్రకటించారు. ఇప్పటికే వరుసగా రెండు సార్లు గెలిచిన చిన్న రాజప్పను మూడోసారి కూడా గెలిపించాలని ప్రజలకు విజ్ఞప్తి చేశారు. అయితే ఈ సీటును పలువురు ఆశావహులు కూడా ఆశిస్తున్నారు. వీరిని కూడా దృష్టిలో పెట్టుకుని తప్పకుండా న్యాయం చేస్తానని హామీ ఇచ్చారు.
కాగా చింతకాయల చిన్న రాజప్ప 2014లో గెలిచి రాష్ట్ర హోంమంత్రిగా పని చేశారు. 2019లోనూ ఎమ్మెల్యేగా గెలుపొందారు. అయితే వచ్చే ఎన్నికల్లో చిన్నరాజప్పకు చంద్రబాబు సీటు ఇవ్వడం లేదనే ప్రచారం జరిగింది. ఈ ప్రచారానికి తెరదించుతూ చంద్రబాబు ప్రకటన చేశారు. వచ్చే ఎన్నికల్లో ఎట్టి పరిస్థితుల్లోనూ గెలవాలని అటు చిన్నరాజప్పకు కూడా సూచించారు.
