Vishaka: రుషికొండ ప్యాలెస్‌ను పరిశీలించిన చంద్రబాబు

దిశ, వెబ్ డెస్క్: విశాఖలో రుషికొండ భవనాలను సీఎం చంద్రబాబు నాయుడు పరిశీలించారు. భవనంలోని అన్ని బ్లాకుల్లో తిరుగుతూ క్షుణ్ణంగా పరిశీలించారు. భవనాలకు అయిన ఖర్చుపై ఆరా తీశారు. భవనాలు ఏ అవసరాలకు వాడుకోవచ్చో అధికారులను అడిగి తెలుసుకున్నారు. గత ప్రభుత్వం భారీగా ఖర్చు పెట్టి విశాఖ రుషికొండలో భవనాలను నిర్మించింది. మొత్తం 7 బ్లాకులను ఏర్పాటు చేసింది. విశాఖ రాజధానిలో భాగంగా మరోసారి అధికారంలోకి వస్తే పాలన సాగించేలా ఈ భవనాలు నిర్మించినట్లు అప్పట్లో ప్రచారం జరిగింది. అయితే వైసీపీ అధికారం కోల్పోవడంతో ఆ భవనాలను ఏం చేస్తారనే ఆసక్తి కలిగింది. ప్రస్తుతం సీఎం చంద్రబాబు నాయుడు రుషికొండ భవనాలను పరిశీలించారు.