Tirumala:శ్రీవారిని దర్శించుకున్న నట కిరీటి రాజేంద్ర ప్రసాద్

దిశ,తిరుమల:తిరుమల శ్రీ వేంకటేశ్వర స్వామి వారిని నట కిరీటి రాజేంద్ర ప్రసాద్ దర్శించుకున్నారు. బుధవారం రాత్రి తిరుమలకు చేరుకుని గురువారం ఉదయం నైవేద్య విరామ సమయంలో స్వామి వారి సేవలో పాల్గొని మొక్కులు చెల్లించుకున్నారు. దర్శనానంతరం రంగనాయకుల మండపంలో వేద పండితులు వేదాశీర్వచనం అందించగా..ఆలయ అధికారులు శ్రీవారి తీర్థప్రసాదాలు అందజేసి పట్టువస్త్రం తో సత్కరించారు. 47 ఏళ్ల సినీ ప్రస్థానం లో అనేక పాత్రలు పోషించానన్నారు. కల్కీ సినిమా వరకు సరికొత్త పాత్రలతో మీ ముందుకు వచ్చానని తెలిపారు. స్వామి అనుగ్రహంతోనే ఇలాంటి మంచి పాత్రలు చేస్తూ వస్తున్నట్లు తెలిపారు. స్వామి వారి ఆశీర్వచనాలు అందరికి పరిపూర్ణంగా ఉండాలని కోరుకున్నానన్నారు. రవితేజ, నితిన్ లతో సినిమా షూటింగ్ దశలో ఉందని.. మరో సినిమా హరికథ అనే పేరుతో స్వామి వారిపై పీపుల్ టెక్ మీడియా నిర్వహణలో నటిస్తున్నట్లు వెల్లడించారు.