అలిపిరి మెట్ల మార్గంలో హడలెత్తించిన నాగుపాము

దిశ, తిరుమల: తిరుమలకు కాలినడకన వచ్చే భక్తులను ఓ నాగుపాము హడలెత్తించింది. తిరుపతి అలిపిరి నుంచి తిరుమలకు వెళ్ళే కాలిబాటలో 3300 మెట్లు వద్ద ఆరు అడుగుల పెద్ద నాగుపాము వచ్చింది.దాన్ని చూసిన భక్తులు హడలి పోయారు. భక్తులు కేకలు పెట్టడంతో నాగుపాము పక్కనే ఉన్న గుర్కా షెడ్‌లోకి వెళ్ళింది. దీంతో టీటీడీలో పాములు పట్టే భాస్కర్ నాయుడుకి సమాచారం అందించారు. ఆయన సంఘటన స్థలానికి చేరుకుని షెడ్డులో దాగివున్న ఆరు అడుగుల నాగుపామును చాకచక్యంగా పట్టుకున్నారు. విషపూరితమైన పాము కావడంతో భక్తులకు దూరంగా అవ్వాచారి కోనలో నాగుపాము‌ను వదిలిపెట్టారు.