AP:టీడీపీ సీనియర్ నాయకుడు మృతి..పలువురు పార్టీ నేతల దిగ్భ్రాంతి

దిశ ప్రతినిధి,అనంతపురం:టీడీపీ సీనియర్ నాయకుడు, జిల్లా సాంస్కృతిక విభాగం అధ్యక్షుడు వీరాంజనేయులు శుక్రవారం మృతి చెందారు. ఇటీవల ఆయన రోడ్డు ప్రమాదంలో గాయపడి ఆస్పత్రిలో చికిత్స పొందుతున్న సంగతి తెలిసిందే. అయితే, శుక్రవారం అనూహ్యంగా మృతి చెందడంతో ఆ పార్టీ నేతలు దిగ్భ్రాంతికి లోనయ్యారు. అనంతపురం అర్బన్ ఎమ్మెల్యే దగ్గుపాటి ప్రసాద్, ఎంపీలు పార్థసారథి, అంబికా లక్ష్మీనారాయణ, రాప్తాడు ఎమ్మెల్యే పరిటాల సునీత, ధర్మవరం నియోజకవర్గం టీడీపీ ఇంచార్జ్ పరిటాల శ్రీరామ్ తదితరులు తీవ్ర విచారం వ్యక్తం చేశారు. ఆయన ఆత్మకు శాంతి చేకూరాలని ఆకాంక్షించారు. కుటుంబ సభ్యులకు ప్రగాఢ సానుభూతి తెలిపారు. వీరాంజనేయులు మృతి పార్టీకి తీరని లోటన్నారు.

వీరాంజనేయులు లేని పార్టీని ఊహించలేం..

వీరాంజనేయులు లేని టీడీపీని ఊహించలేమని అనంతపురం అర్బన్ ఎమ్మెల్యే దగ్గుపాటి ప్రసాద్ అన్నారు. రోడ్డు ప్రమాదం జరిగాక తాను ఆసుపత్రికి వెళ్లి పరామర్శించానని.. అప్పుడు ఆయన కోలుకుంటారు అకున్నానన్నారు. కానీ ఇలా అందరినీ వదిలి వెళ్లిపోవడం బాధాకరమన్నారు. జిల్లాలో ఎక్కడ పార్టీ కార్యక్రమం జరిగినా.. ఆయన గొంతు ప్రతిధ్వనిస్తుండేదని గుర్తు చేసుకున్నారు. అలాంటి వ్యక్తి మరణించడం పార్టీకి తీరని లోటన్నారు. ఆయన ఆత్మకు శాంతి కలగాలని ఆకాంక్షించారు. వారి కుటుంబానికి పార్టీ కచ్చితంగా అండగా ఉంటుందన్నారు.