సినీ ఫక్కీలో యువతి కిడ్నాప్

దిశ, వెబ్ డెస్క్ : హైదరాబాద్‌లో యువతి కిడ్నాప్ కలకలం సృష్టించింది. బంజారాహిల్స్ లో రోడ్డుపై నడుచుకుంటూ వెళ్తున్న యువతిని దుండగులు కిడ్నాప్ చేశారు. మంగళవారం రాత్రి పదిగంటల సమయంలో దేవరకొండ బస్తీలోని రోడ్ నెంబర్ 3లో ఈ ఘటన చోటు చేసుకుంది. బైకులపై వచ్చిన ముగ్గురు దుండగులు, రోడ్డుపక్కన నడుస్తూ వెళ్తున్న ఆ యువతిని వెంబడించారు. అప్పటికే నిర్మానుష్యంగా ఆ రోడ్డు ఉండటంతో ఓ యువకుడు బైకు దిగి, ఆమెను బలవంతంగా పట్టుకున్నాడు. బైకుపై ఎక్కించాడు. అనంతరం యువతిని బైక్ పై ఎక్కించుకోని వెళ్లారు. ఈ క్రమంలో యువతి అరుపులు వేయడంతో స్థానికులు బయిటికి వచ్చేలోపే దుండగులు యవతిని తీసుకుని ఎస్కేప్ అయ్యారు. దీంతో స్థానికులు పోలీసులకు ఫిర్యాదు చేశారు. పోలీసులు కేసు నమోదు చేసుకుని సీసీ ఫుటేజ్ ఆధారంగా దర్యాప్తు చేస్తున్నట్టు తెలిపారు.