గిన్నిస్ వ‌ర‌ల్డ్ రికార్డ్ బంగీ జంప్‌.. ప‌డ‌టం చూస్తే నోరెళ్ల‌బెడ‌తారంతే!

దిశ‌, వెబ్‌డెస్క్ః బంగీ జంప్ గురించి చాలా మందికి తెలిసే ఉంటుంది గానీ, కొంద‌రు మాత్ర‌మే అంత ధైర్యం చేసి ఆ జంప్ చేయ‌గ‌ల‌రు. ఇక‌, గిన్నిస్ వరల్డ్ రికార్డ్స్ స్థాయిలో బంగీ జంప్ చేయాలంటే ఇంకెంత ధైర్యం కావాలో ఊహిస్తేనే ఒళ్లు జ‌ల‌ద‌రిస్తుంది. ఇన్‌స్టాగ్రామ్ పేజీలో ఇటీవల గిన్నిస్ వరల్డ్ రికార్డ్స్ పోస్ట్ చేసిన ఈ బంగీ జంప్‌ వీడియో అంద‌ర్నీ ఆశ్చర్యపరిచింది. ఒక వ్యక్తి 198 అడుగుల ఎత్తు నుండి దూకి, ఒక కప్పు కాఫీలో డోనట్‌ను ముంచి రికార్డు సృష్టించాడు. రాన్ జోన్స్ అనే వ్య‌క్తి ఈ డోనట్ బంగీ జంపింగ్‌ను 60.553 మీ., అంటే, 198 అడుగుల 8 అంగుళాల ఎత్తైన నుండి చేసి గిన్నిస్ వరల్డ్ రికార్డ్స్‌లోకి ఎక్కాడు. 2013లో US TV షోలో చేసిన‌ రికార్డ్స్‌ను ఇప్పుడు రాన్ జోన్స్ బ్రేక్ చేశాడు.