గుండె ఆగిపోయే క్లిప్... 100 అడుగుల ఎత్తు నుంచి పడిపోతున్న బాలికను కాపాడాడు (వీడియో)

దిశ, వెబ్ డెస్క్: ఓ వ్యక్తి తన ప్రాణాలను పణంగా పెట్టి 100 అడుగుల ఎత్తు నుంచి పడిపోతున్న మూడేళ్ల బాలికను రక్షించాడు. ఈ సంఘటన కజకిస్థాన్ రాజధాని నూర్-సుల్తాన్‌లో చోటు చేసుకుంది. తల్లి షాపింగ్‌కు వెళ్లిన సమయంలో, మూడేళ్ల బాలిక కిటికీలోంచి వేలాడుతూ కనిపించింది. అటుగా వెళ్తున్న వ్యక్తి ఆ బాలికను గమనించి కాపాడాడు. అయితే ఈ విషయం తెలిసి అక్కడి మంత్రిత్వ శాఖ సంఘటనా స్థలానికి రెస్క్యూ టీమ్ ను, వాహనాలను పంపింది. అయితే, అతను అప్పటికే ఆ బాలికను కాపాడగలిగాడు. దీంతో అక్కడి మంత్రిత్వ శాఖ అతడిని హీరో అని పేర్కొన్నది. ఇందుకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. నెటిజిన్స్ ప్రశంసల వర్షం కురిపిస్తున్నారు.