విమానం నుండి పారిపోయిన ప‌ప్పీ.. అంద‌రూ పరుగులే ప‌రుగులు! (వీడియో)
దాన్ని ప‌ట్టుకోడానికి అర‌గంట‌కు పైగా ఆయాస‌ప‌డ్డారు. Puppy escapes Airplane luggage compartment gives employees a hard day
దిశ, వెబ్‌డెస్క్ః కొన్ని సంఘ‌ట‌న‌లు భ‌లే స‌ర‌దాగా అనిపిస్తాయి. ఇంకొన్ని చూసే వారికి స‌ర‌దాగా, చేసేవారికి ఆయాసంగా ఉంటాయి. ఇలాంటిదే ఓ విచిత్ర సంఘ‌ట‌న మెక్సికోలోని విమానాశ్రయంలో జరిగింది. విమానంలోని లగేజీ కంపార్ట్‌మెంట్ నుండి ఓ కుక్క పిల్ల తప్పించుకుంది. బుజ్జిగా, తెల్ల‌ని బొచ్చుతో ఉన్న ఈ అందమైన కుక్కపిల్ల ఇష్టారాజ్యంగా పరిగెత్తుతుంటే చూసే వారికి చూడ ముచ్చ‌ట‌గా అనిపించింది. కానీ, ఆ కుక్క అక్క‌డికి ఎలా వ‌చ్చిందో తెలియ‌ని ఎయిర్ పోర్టు గ్రౌండ్ సిబ్బంది దాన్ని ప‌ట్టుకోడానికి అర‌గంట‌కు పైగా ఆయాస‌ప‌డ్డారు. దాని వెనుక పరుగెత్తుతూ మొత్తానికి ప‌ట్టుకున్నారు. అదృష్టవశాత్తూ, ఎవ‌రికీ ఎటువంటి గాయాలు గానీ, దీని వ‌ల్ల విమాన ఆలస్యం గాని జరగక‌పోవ‌డం విశేషం. చూసేవారికి ఫన్నీగా ఉన్న ఈ వీడియో ఇప్పుడు నెట్టింట్లో వైర‌ల్ అయ్యింది. ఇది మెక్సికోలోని జాలిస్కోలో గ్వాడలజారాలోని మిగ్యుల్ హిడాల్గో వై కాస్టిల్లా అంతర్జాతీయ విమానాశ్రయంలో జరిగింది.