తొగిటలో మహిళ దారుణ హత్య.. అతనిపైనే అనుమానం..

దిశ, మెదక్: మహిళను బండరాయితో కొట్టి దారుణంగా హత్య చేసిన ఘటన మెదక్ జిల్లా హావేలి ఘనపూర్ మండల పరిధిలోని తొగిట గ్రామంలో చోటు చేసుకుంది. హవేళిఘనపూర్ ఎస్‌ఐ శేఖర్ రెడ్డి తెలిపిన వివరాల ప్రకారం.. గ్రామానికి చెందిన బాలమణి, కిషన్ దంపతులు వ్యవసాయం చేసుకుంటూ జీవిస్తున్నారు. వీరికి కూమారులు లేరు. దీనితో కుమార్తె నరసవ్వకు, లక్ష్మయ్యతో వివాహం జరిపి ఇల్లరికం తెచ్చుకున్నారు. ఇదిలా ఉండగా.. గురువారం తెల్లవారుజామున గుర్తు తెలియని వ్యక్తులు బాలమణిని బండరాయితో తలపై కొట్టి దారుణంగా హత్య చేశారు.

విషయం తెలుసుకున్న పోలీసులు ఘటనా స్థలానికి చేరుకొని శవ పంచనామా నిర్వహించి క్లూస్ టీం, డాగ్ స్క్వాడ్ ద్వారా ఆధారాలు సేకరించారు. పోస్ట్‌మార్టం నిమిత్తం మృతదేహాన్ని మెదక్ ప్రభుత్వ ఆసుపత్రికి తరలించారు. మృతురాలి సోదరుడు ఫిర్యాదు మేరకు కేసు నమోదు చేసి దర్యాప్తు చేస్తున్నారు. బాలమణి మృతిపట్ల అనుమానం ఉన్న మనువడు శివ కుమార్‌ను పోలీసులు అదుపులోకి తీసుకుని విచారిస్తున్నారు.