లారీ ఢీకొని మహిళ మృతి

దిశ, కూకట్​పల్లి : స్కూటీపై ప్రయాణిస్తున్న మహిళను లారీ ఢీకొట్టడంతో ఆమె అక్కడికక్కడే మృతి చెందిన సంఘటన బాలానగర్​ పోలీస్​ స్టేషన్​ పరిధిలో చోటు చేసుకుంది. బాలానగర్ సీఐ నరసింహరాజు తెలిపిన వివరాల ప్రకారం రాకేష్​ కుమార్​ జైన్ కుటుంబం బాలానగర్​లోని ఏ2ఏ లైఫ్​ స్పేస్​లో నివాసం ఉంటున్నారు. రాకేష్​ కుమార్​ జైన్​ భార్య సంతోష్​ దేవి జైన్​ (54) తన కూతురు జయంతి జైన్, మనువరాలు ఖుష్బుతో కలిసి ద్విచక్ర వాహనంపై ఫతేనగర్​ వైపు వెళ్తుండగా నర్సాపూర్​ కూడళిలో పిల్లర్​ నంబర్​ 11 వద్ద వెనక నుంచి వచ్చిన లారీ వీరి స్కూటీని ఢీకొట్టింది. దీంతో వెనక కూర్చున్న సంతోష్​ దేవి జైన్​ కింద పడింది. కింద పడిన ఆమె తల భాగం పైనుంచి లారీ తీసుకు వెళ్లడంతో అక్కడికక్కడే మృతి చెందింది. లారీ డ్రైవర్​ పి. అవినాష్​(36)గా గుర్తించారు. లారీ డ్రైవర్​పై చట్టరీత్యా చర్యలు తీసుకోవాలని రాకేష్​ జైన్​ పోలీసులకు ఫిర్యాదు చేశారు. రాకేష్​ జైన్​ ఇచ్చిన ఫిర్యాదు మేరకు పోలీసులు కేసు నమోదు చేసుకుని దర్యాప్తు చేస్తున్నారు.