రోడ్డు ప్రమాదంలో వ్యక్తి మృతి

దిశ, మధిర : రోడ్డు ప్రమాదంలో ఓ వ్యక్తి మృతి చెందిన ఘటన సోమవారం చోటు చేసుకుంది. వివరాలు ఇలా ఉన్నాయి. మండల పరిధిలోని సిరిపురం గ్రామానికి చెం దిన వేమిరెడ్డి కిషోర్ రెడ్డి ( 38 ) ఎర్రుపాలెం మండలం జమలాపురం గ్రామం నుండి ద్విచక్ర వాహనంపై సిరిపురం వైపు వస్తుండగా కృష్ణాపురం గ్రామం సమీపంలో గుర్తు తెలియని వాహనం ఢీకొనడంతో కిషోర్ అక్కడికక్కడే మృతి చెందాడు. మధిర రూరల్ ఎస్సై బి.లక్ష్మీ భార్గవి సంఘటనా స్థలానికి చేరుకొని మృతదేహాన్ని పోస్టుమార్టం నిమిత్తం ప్రభుత్వ ఆసుపత్రికి తరలించి కేసు నమోదు చేసి దర్యాప్తు చేస్తున్నట్లు తెలిపారు. మృతుడికి భార్య లావణ్య, కుమారుడు ఉన్నారు.