విండీస్ జట్టుపై ప్రశంసల వర్షం
దిశ, స్పోర్ట్స్: కరోనా లాక్‌డౌన్ అనంతరం జరిగిన తొలి టెస్ట్ మ్యాచ్‌లో ఇంగ్లండ్ జట్టుపై విండీస్ 4 వికెట్ల తేడాతో విజయం సాధించిన విషయం తెలిసిందే. యువ ఆటగాడు జెర్నేన్ బ్లాక్వుడ్ 95 పరుగులతో అదరగొట్టడంతో 200 పరుగుల లక్ష్యాన్ని విండీస్ 6 వికెట్లు కోల్పోయి ఛేదించింది. మూడు మ్యాచ్‌ల సిరీస్‌లో 1-0తో ఆధిక్యంలో నిలిచింది. ఈ విజయంతో విండీస్ జట్టుపై ప్రశంసలు జల్లు కురుస్తున్నది. దిగ్గజ క్రికెటర్ సచిన్ టెండుల్కర్ ‘రెండు జ‌ట్ల ప్లేయ‌ర్లు అద్భుత‌మైన […]
దిశ, స్పోర్ట్స్: కరోనా లాక్‌డౌన్ అనంతరం జరిగిన తొలి టెస్ట్ మ్యాచ్‌లో ఇంగ్లండ్ జట్టుపై విండీస్ 4 వికెట్ల తేడాతో విజయం సాధించిన విషయం తెలిసిందే. యువ ఆటగాడు జెర్నేన్ బ్లాక్వుడ్ 95 పరుగులతో అదరగొట్టడంతో 200 పరుగుల లక్ష్యాన్ని విండీస్ 6 వికెట్లు కోల్పోయి ఛేదించింది. మూడు మ్యాచ్‌ల సిరీస్‌లో 1-0తో ఆధిక్యంలో నిలిచింది. ఈ విజయంతో విండీస్ జట్టుపై ప్రశంసలు జల్లు కురుస్తున్నది. దిగ్గజ క్రికెటర్ సచిన్ టెండుల్కర్ ‘రెండు జ‌ట్ల ప్లేయ‌ర్లు అద్భుత‌మైన ఆట తీరును ప్ర‌ద‌ర్శించారు. కీల‌క‌మైన ద‌శ‌లో బ్లాక్వుడ్ ఉత్కంఠభరిత ఇన్నింగ్స్‌ ఆడాడు. ఈ గెలుపుతో సిరీస్ ఆస‌క్తిక‌రంగా మారింది’ అని ట్వీట్ చేశాడు. ఇక టీమ్ ఇండియా కెప్టెన్ విరాట్ కోహ్లి కూడా విండీస్ జట్టును అభినందించాడు. వావ్వ్.. విండీస్ క్రికెటర్లు అద్భుత విజయం సాధించారు. ఇది టెస్ట్ క్రికెట్‌లో టాప్ ప్రదర్శన అంటూ ట్విట్టర్‌లో రాసుకొచ్చాడు. ఇక అద్భుత పోరాటం చేసిన విండీస్ బ్యాట్స్‌మన్ బ్లాక్‌వుడ్‌ను క్రికెట్ అభిమానులు పొగడ్తలతో ముంచెత్తారు. ‘పొట్టి వాడైనా.. తన పోరాటంతో గట్టివాడని నిరూపించుకున్నాడు’ అని సెటైర్లు కూడా వేస్తూ మీమ్స్ చేస్తున్నారు.