అత్యంత క్రూరుడిగా కనిపిస్తా : సేతుపతి

దిశ, వెబ్‌డెస్క్:
ఇళయ దళపతి విజయ్, విజయ్ సేతుపతి కాంబినేషన్‌లో వస్తున్న కోలీవుడ్ మోస్ట్ అవెయిటెడ్ మూవీ ‘మాస్టర్’. విజయ్ సేతుపతి విలన్‌గా నటిస్తున్న ఈ మూవీలో తన పాత్ర గురించి కాస్త ఇంటర్వ్యూలో వివరించారు. దీంతో మాస్టర్‌ను చూడాలన్న అభిమానుల ఆత్రుత మరింత రెట్టింపయ్యింది.

కాగా మాస్టర్‌లో మెయిన్ విలన్‌గా నటించడం చాలా ఎంజాయ్ చేశానని తెలిపిన సేతుపతి.. చాలా క్రూరంగా కనిపించనున్నట్లు చెప్పాడు. వికారమైన ముఖం, ఆలోచనలతో కనిపిస్తానని చెప్పాడు. ప్రతీ మనిషిలోనూ నెగెటివిటీ ఉంటుందని.. దాన్ని బయటకి తీస్తారో లేదో తెలియదు కానీ.. ఈ సినిమాలో నాలో ఉన్న విలన్‌ను పూర్తిగా బయటకు తీసుకొచ్చేందుకు ప్రయత్నించానని చెప్పాడు. అత్యంత క్రూరమైన గ్యాంగ్‌స్టర్ పాత్రలో పూర్తిగా ఆనందించానని వెల్లడించాడు. మాస్టర్‌లో సేతుపతి భవానిగా కనిపిస్తుండగా.. తన పాత్రలో యంగ్ అండ్ ఓల్డర్ వెర్షన్ ఉంటుందని తెలిపాడు. చిన్నప్పటి పాత్రను మాస్టర్ మహేంద్రన్ పోషించగా.. ఓల్డ్ వెర్షన్‌లో సేతుపతి యాక్టింగ్ ఇరగదీశాడని టాక్.