ఈటలకు రాఖీ కట్టిన తుల ఉమ

దిశ, జమ్మికుంట : అన్నా, చెల్లెళ్లకు ప్రతీకగా నిలిచే రాఖీ(రక్షాబంధన్) వేడుకలు మాజీ మంత్రి, బీజేపీ నేత ఈటల రాజేందర్ నివాసంలో ఘనంగా జరిగాయి. రాఖీ పండుగ సందర్భంగా ఉమ్మడి కరీంనగర్ జిల్లా పరిషత్ మాజీ అధ్యక్షురాలు తుల ఉమ.. ఈటల రాజేందర్‌కు రాఖీ కట్టి ఆశీర్వాదం తీసుకున్నారు. నియోజకవర్గంలోని వివిధ గ్రామాలకు చెందిన మహిళలు ఈటలకు రాఖీలు కట్టారు.

ఈ సందర్భంగా ఈటల రాజేందర్ మాట్లాడారు. మహిళలు అన్ని రంగాల్లో ముందుకు సాగాలని, తాను ఎల్లవేళలా మహిళా సంక్షేమానికి అండగా ఉంటానని తెలుపుతూ.. అందరూ సుఖశాంతులతో ఉండాలని ఆకాంక్షించారు.