నడిరోడ్డుపై దర్శనమిచ్చిన గోల్డెన్ స్నేక్.. ఎన్ని తులాలుంటుందంటే?(వీడియో)

దిశ, వెబ్‌డెస్క్: ప్రస్తుతం సోషల్ మీడియా యమ స్పీడ్ గా దూసుకెళ్తోంది. ఎక్కడ ఏ చిన్న సంఘటన జరిగినా క్షణాల్లో వైరల్ అవుతోంది. ఎక్కడ, ఎవరు ఎలాంటి వింతలను చూసిన వెంటనే ఆ దృశ్యాల్ని సోషల్ మీడియాలో షేర్ చేసి.. ప్రపంచానికి చూపిస్తున్నారు. కొంతమంది మంచి కంటెంట్ చూపించి, ప్రశంసలు అందుకోగా.. మరికొంతమంది దారుణమైన ట్రోల్స్‌కు గురవుతున్నారు. ఇకపోతే తాజాగా ఓ అరుదైన బంగారు పాము వీడియో సోషల్ మీడియాలో తెగ ట్రెండింగ్‌లో ఉంది. రీసెంట్‌గా సంతోష్ అనే వ్యక్తి తన ట్విట్టర్ ఖాతాలో బంగారు పాము వీడియోను పోస్ట్ చేశాడు.

‘గోల్డెన్ స్నేక్’ అనే క్యాప్షన్ రాసుకొచ్చిన ఈ వీడియో నెట్టింట వైరల్ అవ్వగా.. బంగారు పామును వీక్షించిన నెటిజన్లందరూ ఆశ్చపోతున్నారు. రోడ్డుపై పాకుతూ వెళ్తొన్న ఆరడుగుల గోల్డెన్ స్నేక్ వీడియోను ఇప్పటివరకు 11 లక్షలకు పైగా మంది వీక్షించారు. ఈ పామును చూసిన స్థానికులు సైతం షాక్ అవుతున్నారు. ప్రస్తుతం గోల్డెన్ స్నేక్ వీడియో సోషల్ మీడియాలో తెగ వైరల్ అవ్వగా.. నెటిజన్లు తమదైన శైలిలో కామెంట్లు పెడుతూ.. ‘ఏంటి..? బంగారు పాము కూడా ఉంటుందా? మరీ ఈ స్నేక్ ఎన్ని తులాలుంటుంది? అంటూ ఆశ్చర్యం వ్యక్తం చేస్తూ కామెంట్లు పెడుతున్నారు.