మహిళా చెవిలోకి దూరిన పాము.. వైరలవుతోన్న భయంకరమైన వీడియో

దిశ, వెబ్‌డెస్క్: మన శరీరంలో చెవి ఎంతో సెన్సిటివ్. చెవికి ఏ దెబ్బ తగిలినా, చెవి లోపలికి ఏమైనా వెళ్లినా చాలా నొప్పిగా ఉంటుంది. మనం నిద్రపోతున్న టైంలో ఒక్కోసారి మన చెవిలోకి కొన్ని కీటకాలు వెళ్తుంటాయి. ఎలాంటి హాని తలపెట్టకున్నా, తెగ ఇబ్బంది పెట్టేస్తాయి. ఇందుకు సంబంధించిన వీడియోలు సోషల్ మీడియాలో అనేకం చూస్తుంటాం. తాజాగా ఇలాంటి ఘటనే ఓ మహిళకు ఎదురైంది. ఏకంగా మహిళ చెవిలోకి పాము దూరిన వీడియో సోషల్ మీడియాలోని జనాలను భయపెట్టిస్తోంది.

వీడియోలో చూసినట్లైతే.. ఓ మహిళ చెవిలోకి పాము దూరింది. ఎప్పుడు, ఎలా? అని తెలియనప్పటికీ.. మహిళ పరిస్థితి విషమించడంతో ఆమెను వెంటనే ఆసుపత్రికి తీసుకెళ్లారు. డాక్టర్లు మహిళ చెవిలోంచి పామును తీయడానికి ఎంతో ప్రయత్నిస్తున్నారు. పాము మాత్రం అస్సలు బయటికి రావట్లేదు. పామును బయటకు తీస్తున్న సమయంలో పాము నోరు తెరిచి చూస్తుంది. అయినా కూడా డాక్టర్ బయపడకుండా మొత్తానికి పామును బయటికి తీశారు. ఈ భయంకరమైన వీడియో సోషల్ మీడియాలో వైరల్ అవ్వగా.. నెటిజన్లు తమదైన శైలిలో స్పందిస్తున్నారు