మందు పోయలేదని యజమానిని కుమ్మిపడేసిన మేక పొట్టేలు.. వీడియో వైరల్

దిశ, వెబ్‌డెస్క్: ప్రస్తుత రోజుల్లో వయసుతో సంబంధం లేకుండా మద్యానికి విపరీతంగా బానిసవుతున్నారు. టైం కు మందు కడుపులో పడకపోతే మందు బాబులకు పిచ్చెక్కిపోతుంది. కరోనా విపత్కర పరిస్థితుల్లో మద్యం దొరక్కపోవడంతో శానిటైజర్ తాగినవారున్నారు. మందు తాగి ఆ మత్తులో పిచ్చిపిచ్చిగా ప్రవర్తించేవారిని ఇంటిపక్కన, రోడ్లపైన చూస్తూనే ఉంటాం. అయితే ఈ మధ్యకాలంలో మనుషులే కాదండోయ్.. జంతువులు కూడా మందుకు అలవాటు పడ్డాయి.

తాజాగా ఓ తాగుబోతు మేకపోతు మనిషిపై దాడి చేస్తోన్న వీడియో సోషల్ మీడియాలో అవుతోంది. వివరాల్లోకెళ్తే.. ‘‘ఇద్దరు వ్యక్తులు ఇంటి బయట కూర్చుని బీర్ తాగుతున్నారు. బీర్లు తాగుతూ ఎంజాయ్ చేస్తోన్న క్రమంలో అక్కడికి ఓ మేక వస్తుంది. బీర్‌ వాసన చూసిన మేక తనకు కూడా పోస్తారెమో అని ఆశగా చూస్తుంటుంది. కానీ వారు మేకను పట్టించుకోకుండా మద్యం సేవిస్తుంటారు.

దీంతో మేకకు కోపం వచ్చి.. నాలుగడుగులు వెనక్కి వేసి.. పరిగెత్తుకుంటూ ముందుకు వెచ్చి కొమ్ములతో అక్కడున్న ఒక వ్యక్తిపై దాడి చేస్తుంది. అనంతరం మరో వ్యక్తిపై ఉరుక్కుంటూ వెళ్లి కొమ్ములతో పలు మార్లు దాడి చేస్తుంది. దీంతో ఆ వ్యక్తి తప్పించుకోవడానికి రోడ్డుపై పరుగులు తీస్తాడు. ప్రస్తుతం ఈ వీడియో సోషల్ మీడియాలో వైరల్ అవ్వగా.. రెండ్రోజుల్లోనే లక్షల వ్యూస్, వేలల్లో లైకులు రావడం విశేషం.