GHMCలో జోనల్ కమిషనర్ల బదిలీలు.. కీలక ఉత్తర్వులు జారీ

దిశ, తెలంగాణ బ్యూరో : మున్సిపల్ అడ్మినిస్ట్రేటివ్, అర్బన్ డెవలప్‌మెంట్‌లో జోనల్ కమిషనర్లను బదిలీ చేస్తూ ఉత్తర్వులు జారీ అయ్యాయి. కూకట్‌పల్లి సర్కిల్, జోనల్‌లో సుదీర్ఘకాలంగా పని చేస్తున్న వి. మమతను ఎల్‌బీన‌గర్ జోనల్​కమిషనర్‌గా ట్రాన్స్‌ఫర్​చేశారు. కూకట్‌పల్లి జెడ్సీగా జీహెచ్ఎంసీలో అడిషనల్ కమిషనర్‌గా ఉన్న పంకజంను బదిలీ చేశారు.

అదే విధంగా శేరిలింగంపల్లి జెడ్సీ రవి‌కిరణ్‌ను ఖైరతాబాద్‌కు, ఇక్కడి జెడ్సీ ప్రియాంకను శేరిలింగంపల్లికి, ఎల్‌బీనగర్​జెడ్సీ ఉపేందర్​రెడ్డిని నల్గొండకు బదిలీ చేశారు. కాగా జోనల్ కమిషనర్ల బదిలీల్లో ఇప్పటికే కీలక స్థానాల్లో ఉన్న వారికి మళ్లీ పెద్దపీట వేసినట్లు ఆరోపణలు వినిపిస్తున్నాయి.

కమిషనర్ల బదిలీల వివరాల కోసం ఇక్కడ క్లిక్ చేయండి