నిర్మాత సి. వెంకటరాజు మృతి.. సినీ ప్రముఖుల సంతాపం

దిశ, వెబ్‌డెస్క్: టాలీవుడ్ సీనియర్ నిర్మాత సి. వెంకటరాజు తుది శ్వాస విడిచారు. చెన్నైలోని తన నివాసంలో అనారోగ్యంతో మార్చి 8న (ఆదివారం) కన్ను మూశారు. సి. వెంకటరాజు మరణంపై సినీ ప్రముఖులు ప్రగాఢ సానుభూతి వ్యక్తం చేశారు. ఆయన ఆత్మకు శాంతి చేకూరాలని కోరుకున్నారు. సి. వెంకటరాజు 1948 మే 25న చిత్తూరు జిల్లా సిద్ధిరాజు కండ్రిగ గ్రామంలో జన్మించారు. సినిమాలపై మక్కువతో శ్రీ విజయలక్ష్మి ఆర్ట్ ప్రొడక్షన్స్, గీతా చిత్ర ఇంటర్నేషనల్ బ్యానర్‌పై శివరాజుతో కలిసి చిత్రాలను నిర్మించారు. విక్టరీ వెంకటేష్ హీరోగా వచ్చిన ‘2 టౌన్ రౌడీ’తో నిర్మాతగా మారిన ఆయన… ‘నియంత’, ‘అహంకారం’, ‘ఆదర్శం’, ‘ఆరంభం’, ‘పవిత్ర బంధం’, ‘పెళ్లి చేసుకుందాం’, ‘ఘర్షణ’, ‘చక్రం’ లాంటి సినిమాలను నిర్మించారు సి. వెంకటరాజు.

tags: Tollywood, Producer, C.Venkataraju, Passes away