'పోకిరి' సీన్ రిపీట్.. టాలీవుడ్ హీరోయిన్ వెంటపడి మరీ..

దిశ, వెబ్‌డెస్క్: సూపర్ స్టార్ మహేష్ బాబు నటించిన ‘పోకిరి’ సినిమాను అందరరు చూసే ఉంటారు. అందులో బ్రహ్మ్మనందం, బిచ్చగాళ్ల కామెడీని చూసి ఇప్పటికీ నవ్వుకొని ప్రేక్షకుడు ఉండడు. బ్రహ్మీని కొంతమంది యాచకులు చుట్టుముట్టి బాబు… బాబు అంటూ డబ్బుల కోసం వేధిస్తుంటారు. ఇక వీళ్లతో మనకెందుకొచ్చిన గొడవలే అని డబ్బులు ఇచ్చేసి వెళ్తాడు. అయినా వారు వదలరు. అయితే ఇప్పుడు ఈ సీన్ ఎందుకు గుర్తొచ్చింది అంటే.. తాజాగా టాలీవుడ్ హాట్ బ్యూటీ ప్రగ్యా జైస్వాల్ కూడా అదే పరిస్థితిని ఎదుర్కొంది కాబట్టి. హీరోయిన్ ప్రగ్యా జైస్వాల్‌కు బెగ్గర్స్ బ్యాచ్ చుక్కలు చూపించారు. తన వద్ద ఉన్న డబ్బులన్నీ ఇచ్చేవరకు వదలలేదు. ప్రస్తుతం ఇందుకు సంబంధించిన వీడియో నెట్టింట వైరల్ గా మారింది.

వివరాలలోకి వెళితే.. ప్రగ్యా జిమ్ చేసి బయటికి వచ్చేసరికి అక్కడ కొంతమంది పిలల్లు డబ్బులు అడుగుతూ కనిపించారు. సరే చిన్నపిల్లలు అనుకోని వారిని తప్పుకుంటూ ముందుకొచ్చింది. అంతలోనే ఇంకొంతమంది ప్రగ్యాను చుట్టుముట్టారు. కనీసం కారు వరకు వెళ్లనిస్తే డబ్బులు ఇస్తానని చెప్పినా వారు వినకుండా ఆమెను కదలనివ్వలేదు. దీంతో అక్కడ ఉన్న బాడీ గార్డ్స్ వారిని తప్పించి ప్రగ్యాను కారు వరకు తీసుకెళ్లారు. కారులో ఎక్కాకా కూడా బెగ్గర్స్ హీరోయిన్ ని వదలకుండా ధర్మం చేయండి అంటూ వెంటపడ్డారు. దీంతో చేసేది లేక ఆమె కొంతమందికి డబ్బులు ఇవ్వగా.. మరికొంతమంది మాక్కూడా అంటూ రావడం మొదలు పెట్టారు. దీంతో షాక్ తిన్న ప్రగ్యా కారును పోనివ్వండి అంటూ డ్రైవర్ కి సైగ చేశారు. ప్రస్తుతం ఈ వీడియో సోషల్ మీడియా లో చక్కర్లు కొడుతోంది. ఇకపోతే ప్రస్తుతం ఈ అమ్మ‌డు బాల‌య్య హీరోగా రూపుదిద్దుకుంటోన్న‌ ‘అఖండ’ సినిమాలో నటిస్తోంది.