అతనితో ఎనిమిదేళ్ల ప్రయాణం గొప్ప అనుభూతినిచ్చింది: స్టార్ నటి

దిశ, సినిమా: షబ్బీర్ ఖాన్ దర్శకత్వంలో టైగర్ ష్రాఫ్- కృతి సనన్ జంటగా తెరకెక్కిన చిత్రం ‘హీరోపంతి’. కాగా ఈ చిత్రం విడుదలై ఎనిమిది సంవత్సరాలు పూర్తి చేసుకున్న సందర్భంగా క‌ృతి.. ఇందుకు సంబంధించిన మెమొరీస్‌ను సోషల్ మీడియా వేదికగా పంచుకుంది. ఈ పోస్టర్‌లో టైగర్‌ను హత్తుకుని ఎలాగైతే ఫోజు ఇచ్చిందో.. తాజాగా సేమ్ అదే విధంగా స్టిల్స్ ఇస్తూ దిగిన ఓ బ్యూటిఫుల్ పిక్ ఇన్‌స్టాగ్రామ్‌లో షేర్ చేసింది. త్వరలోనే ఈ ప్రాజెక్ట్ సీక్వెల్ ‘గణ్‌పథ్’తో మరోసారి ఎంటర్‌టైన్ చేయబోతున్నట్లు తెలిపింది. ఈ క్రమంలోనే ‘మా ప్రయాణం దేనితో ప్రారంభించామో.. మళ్లీ అలాగే మరొక రికార్డు సృష్టించడానికి సిద్ధంగా ఉన్నాం. ఈ 8 ఏళ్ల ప్రయాణంలో శారీరకంగా, మానసికంగా ఎంతో అభివృద్ధి చెందాం. కానీ సినిమా పట్ల ఎమోషన్స్ అలాగే క్యారీ చేస్తున్నాం. టైగీ.. నీతో కలిసి మళ్లీ సెట్‌కి రావడం చాలా గొప్ప అనుభూతినిచ్చింది’ అంటూ రాసుకొచ్చింది.