సింగరేణిలో పెద్దపులి కలకలం

దిశ, ఆదిలాబాద్: మంచిర్యాల జిల్లాలో పెద్ద పులి సంచారం కలకలం రేపుతోంది. జైపూర్ సింగరేణి థర్మల్ పవర్ ప్లాంట్‌ రైల్వే ట్రాక్ వెంట వెళ్తున్న పెద్ద పులిని గూడ్స్ రైల్వే గార్డ్ చూశారు. ఆయన ప్లాంటు అధికారులకు సమాచారాన్ని అందించారు. దీంతో వెంటనే అప్రమత్తమైన అధికారులు గ్రౌండ్ లెవల్‌ల్లో పనులను నిలిపివేసి కార్మికులను అప్రమత్తం చేశారు. పెద్దపులి సంచారంతో కార్మికులు, సమీప గ్రామాల ప్రజలు తీవ్ర భయాందోళన వ్యక్తం చేస్తున్నారు.