మా అమ్మతో మాట్లొడొద్దు అంటూ కత్తితో దాడి.. వ్యక్తి మృతి
దిశ, పటాన్చెరు: పొలం దగ్గరికి వెళ్లి తిరిగి నడుచుకుంటూ వస్తున్న ఓ వ్యక్తిని.. బైక్ పై వచ్చిన దుండగుడు కోడి కోసే కత్తితో పొడిచి పరారైన సంఘటన బీడీఎల్ పోలీస్ స్టేషన్ పరిధిలో బుధవారం చోటుచేసుకుంది. పోలీసులు తెలిపిన వివరాల ప్రకారం.. రామచంద్రాపురం మండలం నాగులపల్లికి చెందిన ఆంజనేయులు గౌడ్ (60) బుధవారం ఉదయం 8.30 గంటలకు గ్రామానికి ఆనుకొని ఉన్న తన పొలానికి వెళ్లాడు. అనంతరం తిరిగి వస్తూ.. సమీపంలోని రహదారి పనులు జరుగుతుండగా అక్కడ […]
దిశ, పటాన్చెరు: పొలం దగ్గరికి వెళ్లి తిరిగి నడుచుకుంటూ వస్తున్న ఓ వ్యక్తిని.. బైక్ పై వచ్చిన దుండగుడు కోడి కోసే కత్తితో పొడిచి పరారైన సంఘటన బీడీఎల్ పోలీస్ స్టేషన్ పరిధిలో బుధవారం చోటుచేసుకుంది. పోలీసులు తెలిపిన వివరాల ప్రకారం.. రామచంద్రాపురం మండలం నాగులపల్లికి చెందిన ఆంజనేయులు గౌడ్ (60) బుధవారం ఉదయం 8.30 గంటలకు గ్రామానికి ఆనుకొని ఉన్న తన పొలానికి వెళ్లాడు. అనంతరం తిరిగి వస్తూ.. సమీపంలోని రహదారి పనులు జరుగుతుండగా అక్కడ ఉన్న ఓ వ్యక్తితో ముచ్చటిస్తున్నాడు. ఇదే సమయంలో అటుగా వచ్చిన ఓ దుండగుడు.. మా అమ్మతో వద్దంటే మాట్లాడుతావా అంటూ కత్తితో పొడిచి పరారీ అయ్యాడు. రక్తపు మడుగులో ఉన్న వ్యక్తిని హుటాహుటిన గచ్చిబౌలిలోని కాంటినెంటర్ ఆస్పత్రికి తరలించేసరికి.. అప్పటికే మృతి చెందినట్టు వైద్యులు ధృవీకరించారు. కేసు నమోదు చేసుకుని నిందితుడి కోసం గాలిస్తున్నట్టు సీఐ రాంరెడ్డి తెలిపారు.