ప్రియురాలి కోసం దొంగతనం చేసిన ముగ్గురు వ్యక్తులు అరెస్ట్

దిశ, వెబ్ డెస్క్: తన ప్రియురాలు కోప్పడుతుందని, ఆమెకు ఖరీదైన వస్తువులను గిఫ్ట్ గా ఇచ్చి ఆమెను ప్రసన్నం చేసుకుందామని ఓ వ్యక్తి తన ఇద్దరు మిత్రులతో కలిసి దొంగతనానికి పాల్పడ్డాడు. దీంతో ఆ ముగ్గురిని పోలీసులు అరెస్ట్ చేశారు. ఈ ఘటన ఢిల్లీలో చోటు చేసుకుంది. వివరాల్లోకి వెళితే.. ఢిల్లీ ఆర్‌కే పురానికి చెందిన శుభం(20) ఓ కేసులో జైలు జీవితం గడిపాడు. అయితే, అతనికి ఓ లవర్ ఉంది. ఆ లవర్ కోప్పడుతుందని, ఆమెకు ఖరీదైన వస్తువులు గిఫ్ట్ గా ఇచ్చి ఆమెను ప్రస్నం చేసుకుందామనుకుని దొంగతనం చేశాడు. ఇందుకోసం నిజాముద్దీన్‌కు చెందిన ఆసిఫ్ (19), జామియా నగర్‌కు చెందిన మహ్మద్ షరీఫుల్ ముల్లా (41)ను కలిశాడు. వీరంతా కలిసి ఢిల్లీలోని సరోజీని నగర్ లో ఉన్న ఓ వ్యక్తి ఇంట్లోకి చొరబడి అతడిపై దాడి చేసి, ఖరీదైన వస్తువులను దొంగిలించారు. దీంతో బాధితుడు పోలీసులకు ఫిర్యాదు చేశాడు. కేసు నమోదు చేసుకున్న పోలీసులు వారిని అరెస్ట్ చేశారు. అనంతరం వారిని విచారించగా అసలు విషయం బయటపడింది.